Najuta Kumsomesha

 

NAJUTA KUMSOMESHA

Najuta leo najuta

Majuto ni mjukuu

Mwenzenu yamenikuta

Nimeshavunjika guu

Wakubwa walinambia

Masikio nikaziba.

Hata ada nikalipa

Chuoni kumpeleka

Nikajiona kibopa

Kidume nimeshafika

Kumbe aniangalia

Atimize zake ndoto.

Leo chuo kahitimu

Hataki kunisikia

Kweli mi mwendawazimu

Tayari nimeumia

Mi mjanja wa mjini

Hadharani nimepigwa.

Bora bata ningekula

Kuliko nivyojinyima

Kweli mimi ni mbulula

Akilini si mzima

Kosa hili nilofanya

Daima nitajutia.

Nilijua akisoma

Maisha tutayajenga

Kidume nikajituma

Mihela kumtumia

Kumbe akiwa chuoni

Mwingine alimpata.

Leo kanitamkia

Mi siyo wa levo yake

Mrembo kanikimbia

Ameniacha mpweke

Najuta mimi najuta

Najuta kumsomesha.

Idd Ninga

+255624010160

iddyallyninga@gmail.com