KUFUNGA si kazi,kazi kuilinda funga

1)Kuna mingi mitihani,wafungaji twapitia

Kila alie makini,haya alishasikia

Na kuyaona machoni,ama alishuhudia

Kufunga mbona si kazi,kazi kulinda swaumu.

2)Unatembea mjini,macho umejinamia

Mdada aja pembeni,vinguo kajivalia

Vaishia mapajani,mbeleyo akatizia

Kufunga mbona si kazi,kazi kulinda swaumu.

3)Simu yako mkononi,habari watafutia

Ingia mtandaoni,maovu washuhudia

Hawana haya usoni,picha chafu watupia

Kufunga mbona si kazi,kazi kulinda swaumu.

4)Wafika zako kazini,watu wana kutania

Usipokuwa makini,Funga wajiharibia

Welewi ufanye nini,bora kimya jikalia

Kufunga mbona si kazi,kazi kulinda swaumu.

5)Wapita zako sokoni,futari jinunulia

Hakuna wanazuoni,watu wajitukania

Wala shima hawaoni,shimo wanajichimbia

Kufunga mbona si kazi,kazi kulinda swaumu.

6)Mchana wa Ramadhani,yapo mengi yatokea

Jua Kali hadharani,madhambi yalobobea

Bila hata samahani,watu wanajitendea

Kutunga mbona si kazi,kazi kulinda swaumu.

 SHAIRI-KUFUNGA SI KAZI

MTUNZI-Idd Ninga,Arusha

iddyallyninga@gmail.com

+255624010160