Wafunga Swaumu Bado waikimbia Tarawehe.
1)Ni Mara moja kwa mwaka,swala hii twaipata
Ingawa tunairuka,bila nafsi kutusuta
Nyumbani twa tawanyika,nini twaenda tafuta
Twakimbia tarawehe,kama tumeona nyoka.
2)Tunadai tumechoka,uvivu watukamata
Barakaze twaziruka,khasara tunaipata
Shahari ikitoweka,ndipo hapo tutajuta
Twakimbia tarawehe,kama tumeona nyoka.
3)Nyumbani tunapofika,mpira twenda tazama
Hili ni jipya gharika,imani zetu za zama
Kijana we chakarika,pepo inayo gharama
Twakimbia tarawehe,kama tumeona nyoka.
4)Imamu akigeuka,watu wapungua nyuma
Safu yazidi punguka,anakosa cha kusema
Salamu ikishatoka,wengine wanasimama
Twakimbia tarawehe,kama tumeona nyoka.
SHAIRI-TWAKIMBIA TARAWEHE
MTUNZI-Idd Ninga,Arusha
+255624010160.
Post a Comment