Futari ya Israfu

            TUACHE ISIRAFU.

1)Wapo wanakula sana,wafuturu kwa haraka

Leo twalinganiana,chakula kiwe haraka

So kwamba twasema,tusije kukasirika

Tuacheni isirafu,Tufuturu kawaida.

2)Mtu wafuturu sana,kama daku hutokula

Tambi na uji wa dona,kwa wingi wafanya hila

Wafikiri hiyo suna,ama kisa una hela 

Tuacheni isirafu,Tufuturu kawaida

3)Tende halua viazi,wala kama wafukuzwa

Tumbo huliachi wazi,ama wataka kukuzwa

Hata marage ya Nazi,wala kama unauzwa

Tuacheni isirafu,Tufuturu kawaida.

4)Vyakula vingi kwa wingi,wafuturu peke yako

Wapiga futari nyingi,na kusahau wenzako

Huo si wetu msingi,litavimba tumbo lako

Tuacheni isirafu,Tufuturu kawaida.

5)Ama walipa kisasi,cha kutokula mchana

Basi sasa sema basi,njaa Kali mimi sina

Hadi wakua mweusi,kula kama wapigana

Tuacheni isirafu,Tufuturu kawaida.

6)Futari nyingi washiba,hadi wasindwa kuswali

Tumbo wafanya kibaba,wawa taabani hali

Funga igeuze tiba,afya yako wewe jali

Tuacheni isirafu,Tufuturu kawaida.

SHAIRI -TUACHE ISIRAFU

MTUNZI-Idd Ninga,Arusha

iddyallyninga@gmail.com

+255624010160