SIKU MOJA NITAKUA

        SIKU MOJA NITAKUA

Mimi nitakapokua, nitauacha utoto

Mazuri nitayajua,mepesi pia mazito 

Hatamu nitachukua, kukitafuta kipato 

Siku moja nitakua, nitafanya ya busara .

Hekima nitatumia, nayo lugha ya mvuto 

Ugomvi kuuamua, pasipo wapo majuto

Watu sitawabugua, wazee wala Watoto

Siku moja nitakua, nitafanya ya busara.

Nyumbani sitakimbia, kuelekea maputo

Kiwanja nitanunua, Mjini gongolamboto

Niishi na familia, ndugu, mke na mtoto 

Siku moja nitakua, nitafanya ya busara.

Vijana nitawaasa, wafanye yalioyo mema

Waziepuke anasa,watende vitendo vyema

Na waitafute pesa ,kwa njia ilo salama

Siku moja nitakua,  nitafanya ya busara.

Nitahamasisha sana, watu waifanye kazi 

Usiku nao mchana, wakitumia ujuzi 

Wasilete kujuana, wakazaa ubaguzi 

Siku moja nitakua, nitafanya ya busara.

Uhalifu sitafanya, kumsumbua yeyote 

Pesa, mali kupokonya, au kuiba chochote 

Wala sitakua panya, vitu vyao niving'ate 

Siku moja nitakua, nitafanya ya busara.

Kaditama nimetua, sio kwamba yameisha 

Yapo ya kusimulia, ila leo yanatosha 

Siku hiyo nikikua, ukweli sitapotosha

Siku moja nitakua, nitafanya ya busara.

Mshairi Machinga, 

mfaumehamisi@gmail.com,

0716541703/0677620312,

Dar es salaam, Kariakoo.