NIDEKEZE.

1)Nikumbatie lazizi,mjini  nitokeleze
  Niliendeshe jahazi,huku nikipoga zeze
  Nipande nishuke ngazi,kutwa mzima nikuwaze
  Nibebe nibembeleze,miye kwako nitulie.


2)Wakwanza nivunje nazi,kwa watu nisitangaze
 Niongee injilizi,siyo tu zeze zeze
Ni pande nishuke ngazi,kwa watu nisitangaze
Nibebe nibembeleze,vitamu unipatie.

3)Nipikie na mchuzi,wa pweza nikushangaze
Ulainishe na ngozi,iive usiunguze
Wewe wangu muuguzi,kiumwa uniuguze
Nibebe unidekeze,na halua nijilie.

4)Nikuonyeshe ujuzi,tense nisiigeuze
Tamu kuliko ya juzi,nipe bure usiuze
Unywe gahawa na ndizi,na huku ujibembeze
Nibebe unidekeze,usingizi nisinzie.

5)Na majibu yenye iliki,na Nazi uniogeshe
Kwako nisitoke nduki,sharubati uninyweshe
Nile asali ya nyuki,moto moto uipashe
Nibebe unidekeze,kachimbari nisifie.

6)Nipe vyote vibaki,usiku kucha nikeshe
Si nambie we hutaki,leta meli tuiwashe
Twende hadi Amriki,nicheke nikuchekeshe
Nibebe unidekeze,vitamu nijilambie.

SHAIRI-NIDEKEZE.
MTUNZI-Idd Ninga,Arusha
+255624010160
iddyallyninga@gmail.com