WASHAIRI,Tuache Ujinga.

1)Ashakumu si matusi,huu sasa ni ujinga
Acha Leo niwatusi,sindano nitawadunga
Mnazo roho za fisi,mnakua kama wanga
Huu sasa ni ujing,washairi nawambia.

2)Kila siku kulumbana,huo nao upumbavu
Hadharani natukana,tena matusi ya nguvu
Tunashindwa kishikana,tuna kua yai bovu
Huu sasa ni ujinga,washairi nawambia.

3)Tabia ya kulumbana,hiyo ni sifa ya kike
Wanaume kugombana,wawa kama mwanamke
Lazima kushikamana,nguvu yetu isikike
Huu sasa ni ujinga,washairi nawambia.

4)Huyu anasema lile,yule anazusha hiki
Mnakua misukule,kwa umbea hamchoki
Ikikuuma kalale,kajichome na  mkuki
Huu sasa ni ujinga,washairi nawambia.

5)Sisi washairi gani,twa akili za kitoto
Kulumbana hadharani,tunaua nyingi ndoto
Imeshawapanda kichwani,mlovuta misokoto
Huu sasa ni ujinga,washairi nawambia.

6)Hazitumiki ajili,hapo ni nyingi matope
Tena wala hatujali,tumekua ni mapepe
Dume alierijali,hachezeshi zake kope
Huu sasa ni ujinga,washairi nawambia

7)Washairi sikieni,lazima tushikaneni
Nina hasira rohoni,nitaja wapasueni
Hasa we bwana Fulani,utaenda unyagoni
Huu sasa ni ujinga,washairi nawambia.

8)Kesho rudieni tena,niwataje kwa majina
Kila siku kulumbana,hivi mwachangia bwana
Ugomvi haina maana,mwisho ni kuchukizana
Huu sasa ni ujinga,washairi tushikane.

SHAIRI-WASHAIRI TUACHE UJINGA
MTUNZI-Idd Ninga,Arusha
+255624010160
iddyallyninga@gmail.com
 TAHADHARI-Picha haina mahusiano na Ujumbe ulioko katika shairi.