ANDAMANENI

1)Ole wenu ole wenu,ole wenu mthubutu
Nasema shairi yenu,mkileta utukutu
Mtasimulia kwenu,hamsahau katu
Andamaneni muone,jinsi tutavyowafinya.

2)Tunakikosi imara,kuwashinda watukutu
Kweli siyo masikhara,jeshi hili siyo butu
Chezeeni hizi sura,muujue wake utu
Andamaneni muone,jinsi tutavyowafinya.

3)Anaevunyja sheria,Dawa yake ni mtutu?
Amani tukichezea tutashuka chini putu
Kuliko kuangamia bora muende kisutu
Andamaneni muone,jinsi tutavyowafinya

4)Virungu tutatembeza,tutakua kama simba
Hatutowabembeleza,tutakua kama mamba
Ukweli twawaeleza,msidhani hizi pumba
Andamaneni muone,jinsi tutavyowafinya


5)Ataeleta ubishi,sijute kitomkumba
Nasema kwa maandishi,sa hiyo hatutofumba
Ile wa kuwasha moshi watoka kiyumba yumba
Andamaneni muone,jinsi tutavyowafinya

6)Ole wenu narudia,msiende andamana
Kile kitachotokea,tusije laumiana
Tuifateni sheria,tusije kuumizana
Andamaneni muone,jinsi tutavyowafinya.

7)Sheria bila shututi,hatuwezi sumbuana
Sheria I kwa manati,hapo tutasuguana
Andamana tuje kati,hapo ndipo twajuana
Andamaneni muone,jinsi tutavyowafinya.

SHAIRI-ANDAMANENI
MTUNZI-Idd Ninga, Arusha
iddyallyninga@gmail.com
+255624010160.