Shayo umetangulia

SHAYO UMETANGULIA
1)Shairi naliandika,huzuni imenishika
Habari ilipofika,Shayo ameshatutoka
Duniani kaondoka,mauti yamemfika
Shayo umetangulia,mema tunakuombea.

2)Tauni Sila huzuni,wengi wanakulilia
Baraa hadi jodani,chozi lawadondokea
Wanakumbuka shuleni,fani ulo wapatia
Shayo umetangulia,mema tunakuombea

3)Ulisaidia wengi,elimu kuwapatia
 Tukaupata msingi,fani tukajivunia
Utakumbukwa kwa mengi,vigumu kuhadithia
Shayo umetangilia,mema tunakuombea

4)Bigi faivu majonzi,bado wanakulilia
Wamejawa na simanzi,sana wanakuombea
Wote wako wanafunzi,magoti twajipigia
Shayo umetangulia.mema tunakuombea.

5)Siwezi tena andika,hapa ninatamatia
Tayari yameshafika,hakuna wakukimbia
Mauti yakishafika,wote tutayaingia
Shayo umetangulia,mema tunakuombea.

SHAIRI=SHAYO UMETANGULIA.
MTUNZI=Idd Ninga wa Tengeru Arusha
+255624010160
iddyallyninga@gmail.com