TUIOMBEE AMANI

 TUIDUMISHE AMANI

                     TUIOMBEE AMANI

Tumuombe maulana,amani yetu idumu

 Tushikane kuungana,amani isiwe ngumu 

Tusije kufarakana,nchi kaingia sumu

 Tuiombee amani idumu kwetu nchini.

 Amani ikitoweka,nani wa kumlaumu

 Saa vita vimezuka,mambo yamewa magumu

 Damu itapo mwagika,nchi ijae haramu

 Tuiombee amani,idumu kwetu nchini

 Amani ikipotea,ajira zinatoweka

 Uchumi waangamia,pesa zinapukutika

 Viwanda vya teketea,vijana wanafutika 

Tuiombee amani,idumu kwetu nchini. 

Kwa kudumisha amani,Tanzania yasifika

 Tuitilie moyoni,tufanye sala hakika 

Kanisa msikitini,tumuombe msifika

 Tuiombee amani,idumu kwetu nchini

 Kijana mwenye akili,atailinda amani

 Kijana alojahili,ataharibu

amani Kijana aso rijali,atafuruga amani

Tuiombee amani,idumu kwetu nchini

shairi limetungwa na Idd ninga