IHAIDI AFRIKA

                                                                           IHAIDI AFRIKA

1)Uliahidi kaka yangu,kulilinda bara langu

Waumiza moyo wangu,kuiacha nchi yangu

Uwapi utu wangu,siwaoni ndugu zangu

Iwapi ahadi yako,kulinda wadogo zako ?

2)Niliahidi kaka yako,kulilinda bara letu

 Sina nguvu ndugu yako,shida viongozi wetu

Wameficha utu wako,hilo tatizo letu

Ahadi nakuahidi,kulilinda bara letu.

3)kaka yangu kila siku,ahadi ni zilezile

Huku kwetu ni usiku,tena mambo yale yale

hadi zako za masiku,majuzi na tangu kale

nimechoka yako ahadi,kulilinda bara letu

4)Huku kwetu mbona shida,tunayo demoghasia

Umeshapotea muda,watu wanaangamia

 vichenchi vile vya soda,ndivyo wanadanganyia

Kaka yangu sema kweli,kama bara walipenda

5)Nilitambua mengi sana,ndo maana nikakimbia

Nilitaka kuungana,muda ulishapotea

Nyumbani tunashidana,na hatuna mazoea

Hakuna demokrasia,kwao ni demobandia.

6)kaka yangu nakuita,sikia kilio changu

Chozi langu lishakata,moyoni nauchungu

 Ni nani wakulifuta,siwaoni ndugu zangu

Ahadi ya bara hili,ni kuzidisha uchungu.

7)hii ni ahadi yangu,kesho narudi nyumbani

Kulijenga bara langu,liwe kama la zamani

Tusiwe tena mafungu,irudi yetu Amani

Hii ni ahadi yangu,kulilinda bara langu.

 8)ona kaka huku shida,tunavyopigwa mabomu

Wao wanatoa oda,tuchinjwe hata kwa sumu

Huku wamepaka poda,wenyewe twajilaumu

Afrika hii ya leo,si kama ile ya jana

9)hatuna tena upendo,zamani ulipotea

Tumezidisha magendo,na chuki twaimezea

Udugu twatupa kando,kiama twakingojea

Kama mwisho wa dunia,ni hapa utaanzia

10)Kaka timiza ahadi,bara linateketea

Onyesha yako juhudi,kabla hatuja potea

Hiyo ndo yetu ahadi,utakayo tulete

Tuaahidi waafrika,Amani watulindia.

SHAIRI-IHAIDI AFRIKA

MTUNZI-Idd Ninga wa Tengeru Arusha

+255624010160

iddyallyninga@gmail.com