MWASIFU UPUPU,,-Uledi Bryan

                                             Uledi Bryan,mtunzi wa shairi hili

                      MWASIFU UPUPU.

Jamani nyie jiweni,kusifu wenu upupu,
Chachu kutia mekoni,yani haitoki supu,
Wangu ni Rambo vitani,hatoshei kwenye kapu,
Ang'aa hadi kukera,ni kama lulu za pwani.

Ni kama lulu za pwani,kifua anacho yeye,
Hao wenu masahani,sio tumdhaniaye,
Tena havuti makini,mwatamani kuwa naye,
Ang'aa hadi kukera,ni kama lulu za pwani.

Macho ni kama ya paa,madogo tena angavu,
Hata angatupwa jaa,angazidi kuwa mbivu,
Kwangu sihitaji taa,anamulika kijivu,
Ang'aa hadi kukera,ni kama lulu za pwani.

Ana meno kama kete,na umbo kama ya wema,
Shimo za pua ja Pete,nachosema chanda chema,
Ulimi kama machete,na moyo kama wa mama,
Ang'aa mpaka kukera,ni kama lulu za pwani.

Nitoke kwake kwa nini,ye sumaku Mimi Chuma,
Niwapende wana nini,chuki inawaandama,
Sidondoki kama jani,shina ndani nimezama,
Ang'aa hadi kukera,ni kama lulu za pwani.

Uled Bryan
Kinda mtunga nudhuma
Kedowa kericho kenya